Новая кніга Андрэя Блінца "Клецкія бітвы: 1506 і 1706 гады"
У маі 2015 года ў продажы з’явіцца новая доўгачаканая кніга, прысвечаная знакамтай Клецкай бітве 5 жніўня 1506 года і малавядомаму сутыкненню падчас Паўночнай вайны шведаў з расійцамі, якая адбылася роўна праз двесці год пад Клецкам. Так, гэтыя розныя па храналогіі сюжэты аб’ядноўвае адно месца – Клецк.
Аўтар – вядомы гісторык і краязнаўца Андрэй Блінец. Больш за дзесяць год ён плённа і рупліва займаецца гэтай тэматыкай. Неўзабаве з вынікамі яго карпатлівай працы змогуць пазнаёміцца ўсе ахвочыя. Без сумневу, кніга Андрэя Блінца стане паважным унёскам у вывучэнне ваеннай гісторыі Беларусі.